[mesure]

Il a douze pieds de longueur enuiron, & trois de large, eftant la ftature du corps de noftre Seigneur, depuis le fommet de la tefte, iufques au deffous du talon de cinq pieds Geometriques, & neuf pouces, qui eft la mefme mefure de celuy de Bezançon. ³ Iofeph d’Arimathie, & Nicodeme Difciples fecrets de Iesvs-Christ receurent donc fon facré Corps dans ce linceul eftendu fur vne table, & reietterent ledit linceul, depuis la tefte iufques aux pieds, eftant refté par ce moyen collé aux deux faces du corps. Delà il fut porté tout couuert prés du Sepulchre, d’où vient que ce pretieux corps eftant tout fanglant, & les playes ouuertes, il en receut toutes les marques dans fa figure. La couronne d’efpine n’y paroift point, parce qu’elle fut oftée de la tefte ; mais le linge qui couuroit les parties honteufes y eftant refté, il demeura empreint fur le S. Suaire, ce qui ne paroift pas en celuy de Bezançon, pource que le corps ayant efté laué ; il fut embaumé ; & enueloppé en d’autres linges, & notamment du faint Suaire de Bezançon ; lequel ne reprefente pour cét effet, que les playes des mains, du cofté, & des pieds, lefquelles ne laifferent pas, quoy que bien nettoyées de ietter encore

encore du fang. Le faint Suaire a operé plufieurs miracles dans Chambery, au témoignage de Pingon, & il eft certain que tous ceux, qui ont le bien de le voir dans Turin, fe fentent émeus d’vne fainte crainte, laquelle imprime d’abord la deuotion ; les pofsedéz ne le pouuant regarder, fans cris, ny fans tourmens, felon qu’il eft aifé à remarquer chaque année au iour de la feste. Or comme le faint Suaire ait efté transporté de la Terre fainte, ou d’autre part, les opinions en eftant differentes, nous n’en pouuons affeurer rien de certain, eftant mieux de croire que Dieu nous tient le plus fouuent cachées les chofes facrées, pour les connoiftre par la Foy. Le Venerable Beda traittant des lieux faints chap. 5. met en auant que le S. Suaire ayant efté recouuré par vn Iuif conuerty à la foy de Iesvs-Christ, mit cette Relique en partage d’vn côté, & les biens de l’autre au choix de fes deux enfans deuant que mourir. Que l’aisné ayant preferé les richeffes de fon pere à ce Trefor facré, fut reduit en peu de temps à vne extréme pauureté, & que le cadet l’ayant accepté auec refpect, deuint riche, & que fa pofterité iouït de fes biens iufques à la cinquiefme generation. Il dit en outre que Vefpafien, & Tite ayant affiegé la Ville de Hierufalem, les Chreftiens en eftant fortis par infpiration Diuine, emporterent le S. Suaire, auec tout l’appareil des chofes faintes, en fe refugiants fous la protection du Roy Agrippa. Ces Reliques furent gardées depuis en Surie, felon que Eufebe l’a remarqué en l’Hiftoire Ecclefiaftique d’Egifippe liu. 3. reftablies enfuite dans Hierufalem & gardées iufques en l’an 614. Le mefme Beda rapporte auffi que le S. Suaire fut ietté au feu par Mainuia Roy des Sarrazins ; qu’au lieu de brûler il demeura fufpendu en l’air, & que plufieurs perfonnes le virent defcendre doucement entre les bras d’vn Chreftien. Enfin que non feulement il fut conferué

depuis l’inuafion des Turcs (comme par vn continuel miracle) mais encore pendant le regne de la Maifon de Lorraine & de Luzignan, à qui appartenoit le Royaume de Chypre, & qui perdit celuy de Hierufalem en le voulant recouurer. De forte que les Chreftiens en eftant chaffez, fans autre bien que celuy d’eftre faifis des facrées reliques, ils les porterent felon Paleote à Antioche, à Tir, & à Alexandrie ; puis les remirent au Roy de Chypre enuiron l’an 1085, où le S. Suaire fut gardé iufques à la defftruction de l’Empire d’Orient. ⁴ Il eft conftant que la Royale Maifon de Sauoye l’a receu de Marguerite de Charny, en l’année mille quatre cens cinquante-deux ⁵, & que l’année fuivante le Duc Louys fit battre monnoye, auec l’effigie de cette Relique tenuë par vn Ange, qui eft à genoux en l’air ; auec cette infcription autour, Sancta Sindon Domini noftri Iefu Chrifti M. CCCC. LIII. & de l’autre cofté Ludouicus Dei gratia Dux Sabaudiæ, Marchio in Italia, ainfi qu’elle eft imprimée dans le Suaire Euangelique de Pingon, & dans l’Hiftoire de Sauoye. D’ailleurs il eft tout notoire que Marguerite de Chargny eftoit de Bourgogne fille de Godefroy de Charny, & femme d’Humbert de Villard Sexel, Comte de la Roche fur Lignon, Seigneur de Sainte Hypolite, & d’Orbe ; mais que ce fut, ou à fon retour de Grece, ou en y allant, qu’elle laiffa le Saint Suaire à Chambery, il n’en conte ny par Pingon, qui eft mespris en difant que la defftruction de l’Empire d’Orient fut de l’an 1458. pour l’an 1453. (ne pouuant ladite Marguerite de Chargny auoir laiffé le faint Suaire à Chambery l’an 1452. s’il eftoit encore en Grece l’an 1458. felon le mefme Pingon.) ny par Monfieur Chifflet, qui n’en rapporte aucune preuue. Il eft certain auffi que Marguerite de Chargny ne portoit point cette Relique, pour aller deliurer le Comte de la Roche fon mary, detenu en Grece ; puis qu’il eftoit mort.

mort des quatorze ans auparavant, felon l’hiftoire de Pierre Chaffel, qui marque les funerailles d’Humbert de Villard Sexel Cheualier de l’Ordre du Collier fous Sauoye, l’an mil 1438. Or comme Pingon par ce mefme fujet, le S. Suaire n’a point efté anciennement en Bourgongne, en Champagne auparavant qu’il fût porté en Sauoye ; parce que Monfieur Chifflet rapporte, que Godefroy pere de Marguerite de Chargny l’ayant donné au Clergé de noftre Dame de Lirey en Champagne. Ceux de Coucy l’enuoyerent au Duc Louys, lequel le trouuant pour lors à Lyon, l’inuenta vne Lettre patente de quelques biens-faits en faueur dudit Clergé le 6. de Fevrier 1454. mais on ne fçait point d’où ny comme ledit Godefroy auoit obtenu cette Relique ; ny comment Godefroy de Bouillon en fut faifi pendant le fiege de Hierufalem, ny s’il eft vray de dire que les chofes facrées qui ont feruy à la Paffion du Sauueur, ont efté manifeftées aux hommes par la fuite des miracles, pluftoft que par la curiofité de l’Hiftoire. Cependant il eft indubitable que Marguerite de Chargny vint à Chambery, qu’elle y fut receuë par le Duc Louys, & Anne de Chypre fon Epoufe, auec beaucoup d’honneurs, & de civilité, & que cette Reine Anne de Chypre luy demanda par la Duché, Marguerite de Chargny auoit grand train & baggage, & de l’argent qu’elle portoit pour fon voyage. Ainfi quelques voleurs prirent occafion de crocheter des bahs par la negligence des Seruiteurs, enleuant fur la minuit les bardes, entre lefquels fe trouua enfermé dans vne petite layette dorée. Ces voleurs partagans le butin, & trouuans ce linge facré tres-rarë, refolurent de le cacher dans des ceners. Il arriua que celuy, qui tenoit ces cendres pour excufer leur deffein, demeurant auec les mains fortes & la tefte des tourneurs de lafture en voulant lauer, pour oster les changemens du fang du Sauueur, puis il s’efforçoit de